नेपाली हास्यव्यङ्ग्य अनलाइन पत्रिका

आँखा भनेर हुँदैन
कुनै आँखा गुच्चा जस्ता
कुनै आँखा मटेङ्ग्र्रा जस्ता
आश्चर्य नमाने हुन्छ
कुनैकुनै त ठ्याक्कै
बटन जस्ता हुन्छन्, आँखा ।

हेर्नुस् त
यता मेरा चिपचिपे चिम्सा
तर चनाखा आँखा यतिबेला
मेरो देशको सहमा
एक हुल सलह
बेधडक पस्दै गरेको
विभत्स दृश्य देखिरहेछन्
उता
सुकिला कोटसँग साइनो गाँस्न पुगेका
बटनका सुन्दर– आँखा
सलह देख्तैनन्
पुतलीका बथान देख्तछन्
फूलबारीमा !
यस्तोमा किन हुँदैनथ्यो–
मेरो प्राथमिकता– राष्ट्र चिन्ता !!

बुटवल