नेपाली हास्यव्यङ्ग्य अनलाइन पत्रिका

१. समय
समान अर्थ बोक्छन् जिन्दगी र काँचका चुराहरू,
काम गर्न नसक्नेले कोरल्छन् केवm कुराहरू,
समय हिजो जस्तो छैन आज बदलिएको छ,
ध्वाँस दिन्छन् बूढा बालाई जुँगा नउम्रका भुराहरू ।

२. कर्तव्य
अब देश खोक्रिदैंछ समस्याका छन् रासहरू
बन्द, आन्दोलन र तोडफोडले निम्त्याएको छ भासहरू
विकास नफल्ने भैगो, उन्नति चौपट बनेपछि –
बन्जर भूमिमा कसले चलाउने हलो ?
कसले लगाउने चासहरू ?

३. अन्तर
युद्धको हंकीडंकी छ अचेल,
बुद्ध कुक्रुक्क कक्रिएको कुनामा,
इमानदारहरू पाखा लागेका छन्
बेइमान निर्धक्क डुक्रिएको– मैदानमा ।

४. क्रमशः
संस्कृत लोप भएपछि संस्कृति हरायो
लोकगीत मुर्झायो पप करायो
ड्रमसेट र गिटारले हकारेपछि,
विचरा मादल थुर्थुर् डरायो ।

मन्थली, रामेछाप