नेपाली हास्यव्यङ्ग्य अनलाइन पत्रिका

२५ वर्ष ननाघ्दै सुन्तली र कालीको मृत्यु भएको थियो । अहिले उनीहरू अहिले स्वर्गमा छन् ।

सुन्तली : तिम्रो मृत्यु कसरी भो काली ?
काली : म त चिसोले गर्दा मरेको … अनि तिमी नि ?
सुन्तली : म त चिन्ताले मरेको ..
काली : कस्तो चिन्ता ..?
सुन्तली : म एकदिन अफिसमा काम गर्दै थिएँ । मलाई खबर आयो कि घरमा मेरा बुढाले केटी ल्याएर राखेका छन् । म तत्काल घर गएँ । बुढा घरमै थिए तर केटीलाई भेटाइन । केटीका चप्पल, कपडा सबै थिए तर केटी भेटिन । घरमा बेड, किचन, स्टोर रुम, टेबल भर्याङ सबैतिर खोज्दा पनि भेटिन । मलाई अत्ति चिन्ता भो । अनि एक्कासी ब्रेन ह्यामरेज भएर मरेँ नि ।
काली : थुक्क ..थुक्क … थुक्क …
सुन्तली : लौ किन थुक्क नि …?
काली : त्यति धेरे खोजेपछि फ्रिज पनि खोलेर हेर्नु पर्दैनथ्यो .. म पनि मर्थिन तिमी पनि बाँच्थ्यौ… ।
सुन्तली त स्वर्गमै बेहोश ।