नेपाली हास्यव्यङ्ग्य अनलाइन पत्रिका

तिम्रो देशमा
अभिनेताले टन्न कमाउछन
तर मेरो देशमा त
नेताले टन्न कमाउछन
तिम्रो देशमा
गायकले कमाउछन
तर मेरो देशमा
बिधायकले कमाउछन
तिम्रो देशमा
समाज सेविले अरुलाई दिन्छन
तर मेरो देशमा
समाज सेबिले उल्टाृ लिन्छन
तिम्रो देशमा पुलिशले
चोर गुण्डा समाउछन
तर मेरो देशमा पोलिस
गुण्डा समाउन खुट्टा कमाउछन
तिम्रो देशमा कर
धेरै कमाउने धेरै तिर्ने
तर मेरो देशमा
धेरै कमाउने झन थोरै तिर्ने
तिम्रो देशमा
घोटला गर्ने जेल पर्छन्
तर मेरो देशमा
घोटला गर्ने त
सत्तामा जाने खेल गर्छन
तिम्रो देशमा
बलात्कारी फासीमा चढछन
तर मेरो देशमा
बलात्कारी चुनावमा लड्छन
तिम्रो देशमा
भ्रष्टचारी असामाजिक मानिन्छन
तर मेरो देशमा
भ्रष्टचारी मन्त्रीमा छानिन्छन
तिम्रो देशमा सरकारको डरले
बदमास फटाह देश छोडि भाग्छन्
तर मेरो देशका सोझा, सज्जन
देश छोडि भाग्छन् ।

दाङ, हाल : काठमाडौं