नेपाली हास्यव्यङ्ग्य अनलाइन पत्रिका

लिनोस प्रभु लिनोस्
हुँदै नभा कामको लिनोस्
अरुले गरेको कामको लिनोस्
भत्ता जो बुडीऔँलामा छ ।

हिजो अरुले लिएको जस
दोहोर्याएर लिनोस्
भोलि अरुले लिनुपर्ने जस
आजै पेस्की लिनोसे
सत्ता जो चोरी औँलामा छ ।

हात जोडेर लिनोस्
पाउ मोलेर लिनोस्
चुक्ली लाएर लिनोस्
हाकिम जो माझी औँलामा छ ।

कुमारहरू लगाई रहुन् फन्का
सारा ब्रह्माण्डको एक्लै
गणेश बनेर हजुरले चाहिँ
परिक्रमाको जस लिनोस्
आशुतोष जो साईली औलामा छन् … ।

रिझाएर लिनोस्
नबिझाएर लिनोस्
खुवाएर लिनोस्
जसरी नि जस लिनोस्
बजेट जो कान्छी औँलामा छ ….. ।

काठमाडौं