नेपाली हास्यव्यङ्ग्य अनलाइन पत्रिका

नेपाली दलमा पस्यो भल ठुलो, बेर्ना सबै मासिए
जे आदर्श विचार मूल्य ममता, पातालमै भासिए ।
जम्बो केन्द्र बनाउदै शिव हरे ! जिल्ला र गावै ढले
मात्रै छन् दलभित्र तीव्र झगडा, सिध्दान्त नै पो गले ।।१।।

धेरै छन् खल बाहुका बल नयाँ, पाखन्डी गुण्डा नर
फौबन्जार कमाउने पसल छन्, चम्चा तथा चाकर ।
नाता गोत्र र स्वार्थ लम्पट सबै, बन्ने भए सुप्रिमो
पाटीमा ‘शव’ भारदार हुन गै, के थुप्रियो थुप्रियो ? ।।२।।

माथै हुन्छ पचास केजी तर हा ! काया छ पन्ध्रै किलो
यस्ता रुग्ण शरीरका दल हुँदा, नेपाल गुम्ने भयो ।
उठ्द्यौ हे दलका समर्थक सबै, गर्दै नयाँ मन्थन
जुट्द्यौ है अति भो हलाहल दलै, गर्द्यौ नयाँ मञ्चन ।।३।।

दल खल भल बन्दै, काट्न थालेछ खेत
कल छल बल हिम्सा, मात्तिदै छन् अनेक ।
नियम र विधि मिच्दै, क्रुर छन् है हलाल
दलभर परदेशी, बाक्लिए छन् दलाल ।।१।।

धादिङ