नेपाली हास्यव्यङ्ग्य अनलाइन पत्रिका

१.ठेक्का दिऊँ
जनता गरिबीको समुद्र तर्न
गतिलो नाउको खोजी गर्छ,
नेता स्वार्थ पूर्तिका लागि
सधैँ चुनावको रोजी गर्छ,
चुनावसुनाव भाँडमा जाओस्
देश बिदेशीलाई दिउँ ठेक्का
गरे उसैले विकास गर्छ
नगरे मन मौजी गर्छ ।

२. राहु पस्यो
शान्त थ्यो मुलुक सुखी थे जनता
के दसा लाग्यो र राहू पस्यो ?
यी सिद्धान्त त सब देखावटी हुन्
देश बिगार्नै भनेर छट्टू साहू बस्यो ।

३. मौसम
रेडियोले आज पानी पर्छ भन्दा
दिउँसभरि टण्टलापुर घाम लाग्छ,
कृत्रिम अभाव नभएको विज्ञप्तिसँगै
यहाँ नुनतेल र खाद्यान्न पसलमा
बिहानैदेखि उपभोक्ताको लाम लाग्छ ।

४. सङ्कटकाल
सङ्कटकालसँगै
भट्टी र भट्टीवाल्नीहरू बढे
रक्सी खाने छुटले
युवाहरू दिउँसै सडकमा लडे,
आस्था र विश्वासको स्खलनपछि
सिद्धान्तहरू पनि सबै डढे ।

मन्थली, रामेछाप