कृष्णबहादुर
तिमी अचेल कुन जङ्गलमा
गाई चराउन जान्छ्यौ राधा ? {{read_more}}
.
उहिले पो
मैले मुरली बजाउँदा
तिमी घुँघुँरा बजाउँदै
काखैमा निदाउन आइपुुग्थ्यौ !
र हामी एक अर्काका
जुम्रा सर्ने गरी
झाडीमा लुकेर प्रेम गर्थ्यौं !
.
अहिले त म
के बजाऊँ राधा ?
खोइ के बजाऊँ ?
.
यही बूढो रुखमा चढेर
पुरानो प्रेमको सम्झनामा
एक्लै एक्लै ताली बजाऊँ
कि मायाको मिसकल दिँदै
रिटिङ रिटिङ
तिम्रो मोबाइलको
बिरानो रिङटोन बजाऊँ ?
.
तिमी अचेल कुन जङ्गलमा
गाई चराउन जान्छ्यौ राधा ??