विजयध्वज थापाजे गरे नि हुन्न
गिद्धहरू लुछिरा’छन् ब्वाँसा ढुकिरा’छन्
गोताखोर सिमापारि दाउ खोजिरा’छन्
सिंह बनी तिमी हामी नब्यूझिएसम्म
फुट्न लाग्यो देश यहाँ जे गरे नि हुन्न ।
विदेशमा गै मरे मरोस रेमिटान्स आवस भन्छन्
आफ्नो हुती केही छैन त्यसैको धाक लाउछन्
स्वदेशमै पनि मारिइन्छन् सुरक्षा कसैको छैन
लिंडेढिपी गर्नेलाई जे गरे नि हुन्न ।
अपहरण गर्छन् लुटपाट गर्छन् मान्छे मान्छे मार्छन्
पशुको डर अब छैन मान्छेदेखि डराउँछन्
हाडहरूको ढिस्को देख्दा पनि तिनमा आँसु हुन्न
नेतृत्वमा नै भ्रष्ट भएपछि जे गरे नि हुन्न ।
काठमाडौं
Subscribe
Login
0 Comments
Oldest
