नेपाली हास्यव्यङ्ग्य अनलाइन पत्रिका

कुनै फाटेर
कुनै मुसाले काटेर
कुनै छोेरा–नाति
सँगी–साथीहरूमा बाँडेर
एक–एक गरी–
फौजका सब पुराना जर्सीहरू सिद्धिए ।
तर जतनसाथ बचाई राखेको
फौजी जीवनका दुइटा प्रिय चिह्न
एउटा एउटा पुरानो डिजाइनको ठूलो, गोलो जेबघडी
छातिमा झुन्ड्याएर,
अनि एउटा पुरानो टोप शिरमा लगाएर
बुढेसकालमा लामा र दिक्दारे दिन बिताउने लाहुरेझैँ
रानीपोखरीमा बल्छी हालेर
तटमा उभिएर निरन्तर
झोक्रिइरहेछ घण्टाघर ।

‘रचना’ २०१८