नेपाली हास्यव्यङ्ग्य अनलाइन पत्रिका

‘इन्जिनियरले घर बनाउने जग्गाको नापजाँच गरिसकेपछि धनीले भन्यो– ‘इन्जिनियर साहव, माथिल्लो तलामा चैं भान्सा पूर्वउत्तर कुनामा पूर्वै फर्काएर पकाउने गरी र भुईंतलामा चैं पश्चिम उत्तर कुनामा, पश्चिमै फर्किएर पकाउने गरि राखिदिनु होला है ।’
केही समय अघिसम्म वास्तुशास्त्र बमोजिम घर भएन भने यस्तो र उस्तो अनिष्ट हुन्छ, उन्नति प्रगति केही हुँदैन आदि–आदि भनेर भटभटाई रहेको र अझ तिमीलाई वास्तुशास्त्रको ज्ञान छ कि छैन ? भनेर आफैंलाई र्याख–र्याख पारिरहेको मानिसको दोधारे कुरा सुनेर इन्जिनियर छक्क प¥यो र सोध्यो– ‘भुइँतलामा चैं किन वास्तु बिपरित पश्चिममा किचन र त्यो पनि पश्चिमै फर्काएर पकाउने गरी किन ?’
‘भुइँतला त भाडामा लाउने हो नि त, त्यसैले’– धनीले उत्तर दियो ।
‘भाडामा लाउने ?’– उसैका कुरा दोहोर्यायो इन्जिनियरले आश्चर्य मानेर र फेरि प्रश्न थप्यो– ‘भाडामा बस्नेले पूर्व फर्किएर पकायो भनें चैं के हुन्छ र ?’
‘के हुन्छ नि अब, उन्नति प्रगति भएर अलि हुन थालेपछि टाउकामा टेक्छ । अनि मैले चैं भाडावाललाई मालिक माने जसरी मान्नुपर्छ, त्यसैले ।’ –उसको उत्तर थियो ।

जुरोपानी– ४, झापा
हालः मैतीदेवी, काठमाडौँ