नेपाली हास्यव्यङ्ग्य अनलाइन पत्रिका

केही दिन अघिको घटना हो । सूचनाको लागि एउटा मन्त्रालयमा फोन गरेँ, ‘सूचना अधिकारीलाई पाउँ न ।’
‘यहाँ त त्यो नाम भएको कोही छैन ।’
‘मैले मान्छे खोजेको होइन । सूचना अधिकारी, इन्फर्मेसन अफिसरलाई खोजेको हो ।’
मेरो कुरा नसुनी रिसेप्सनिस्टले त्यहाँ उपस्थित कसैसँग कुरा गरेको सुनियो ।
‘… कि बूढीको नाम सूचना होइन ?’
‘मैले सूचना नामकी महिलालाई खोजेको होइन । इन्फर्मेसन अफिसरलाई खोजेको ।’
तर मेरो कुरा सुन्दै नसुनी उनले फोन पास गरिदिइन् ।
केही बेर घन्टी बजेपछि उताबाट फोन आयो, ‘हेलो, कसलाई खोज्नु भएको ?’
मैले भनेँ, ‘सूचना अधिकारीलाई खोजेको ।’
जवाफ आयो, ‘मेरो नाम सूचना त हो तर अधिकारी होइन ।’
मैले आफू पूर्व प्रमुख सूचना आयुक्त भएको परिचय दिँदै भने, ‘मलाई केही सूचना चाहिएको छ । मन्त्रालयमा सूचना अधिकारी होला, त्यसैलाई फोन दिनुस् न ।’
उनले नम्र हुँदै भनिन्, ‘भन्नुस् न के कुरा जान्न खोज्नु भएको ?’
मैले जानकारी मागेँ ।
उनले मैले मागे जति सूचना विस्तारपूर्वक दिइन् ।
मैले धन्यावाद दिएँ ।
(गएको साता भएको घटना)

काठमाडौं