चारवटा ठोक्तक
जति टाढा म जान्छु, त्यति नजिक सरेकै थियौ कस्तो तिमी त छ्या ! भन्ने गर्या भुलेछौ कि क्या हो ? पराइले मलाई हेर्दासम्म पनि आँखा तरेकै थियौ ।
एक
कोहि त लुकिलुकी हान्ने भएनन् भने
हो, देखिदेखी रिस मान्ने भएनन् भने
जिन्दगी कसरी अगाडि बढ्छ र प्रिय ?
दुई चार जना खुट्टा तान्ने भएनन् भने ।
दुई
दुई दिन मात्रै बग्ने बर्सातको भेल हो जीवन
एक्लो मात्रै होइन दुई आत्माको मेल हो जीवन
कहिले जित त कहिले हार भई नै रहन्छ
प्रतिस्पर्धात्मक रमाइलो खेल हो जीवन ।
तीन
पर्दिन म पर्दिन भन्दाभन्दै नजिक परेकै थियौ
जति टाढा म जान्छु, त्यति नजिक सरेकै थियौ
कस्तो तिमी त छ्या ! भन्ने गर्या भुलेछौ कि क्या हो ?
पराइले मलाई हेर्दासम्म पनि आँखा तरेकै थियौ ।
चार
इतिहासको पाना पल्टाइ नाम खोज्दै छु
गरेँ धेरै र त त्यस्तो इनाम खोज्दै छु
तिम्रो गुलामी गरेर थाकिसकेँ हौ म त
अन्तरीक्षमै आफ्नो लागि काम खोज्दै छु ।
हेटौँडा, मकवानपुर