नेपाली हास्यव्यङ्ग्य अनलाइन पत्रिका

१.
घुर्की लाउँछु रुन्छु सँगै रिसाउने भाछु
अलि बढी तिमीमा माया मिसाउने भाछु
तिमी पो नबोली तर्किएर हिँड्छौ प्रिय !
मनको बोझ तिम्रै काखमा बिसाउने भाछु ।

२.
एक पछि तारन्तार मिलाउँदै हिँड
खोजी गर्छ्न् दुनियाँले बिलाउँदै हिँड
यता पनि ठिकै उता पनि ठिक्क तिमी
सँगै बोक सियो धागो सिलाउँदै हिँड ।

३.
सपनाका रहरहरू मिलाउँदै जानू
बाध्यता र कहरहरू मिलाउँदै जानू
दुःख दिन आउँछन् अनेक बैरीहरू
दृढ़ हुनु कष्ट प्रहर मिलाउँदै जानू ।

०००
हेटौँडा