अमर सन्ततितीन ठोक्तक
ढोका थुनेर अँध्यारो कोठामा रास देखाउँदैछ कुटिल मुस्कान छर्दै ठूलो आश देखाउँदैछ काट्न आँटेको बोकालाई झैँ माया दर्शाउँदै ऊ आज अनायासै हरियो घाँस देखाउँदैछ ।
अमर सन्तति :
१.
गफ मात्रै ठूला किन काम गरेर त देखाऊ
झुपडीका सबै दुःख पीडा हरेर त देखाऊ
देशको लागि मर भन्यौ, धेरैचोटी मर्र्यौ हामी ,
लौ न अब एक पटक तिमी मरेर त देखाऊ ।
२.
ढोका थुनेर अँध्यारो कोठामा रास देखाउँदैछ
कुटिल मुस्कान छर्दै ठूलो आश देखाउँदैछ
काट्न आँटेको बोकालाई झैँ माया दर्शाउँदै
ऊ आज अनायासै हरियो घाँस देखाउँदैछ ।
३.
अमरावती भएर पनि कठै ढाकर किन म !
त्यो स्वाभिमान भएर पनि चाकर किन म !
यो शिर झुक्ने बनायो कसले ? म आज सोच्दैछु,
वीरको रगत भएर पनि कातर किन म !
०००
रामेछाप, हालः भक्तपुर
Subscribe
Login
0 Comments
Oldest
