नेपाली हास्यव्यङ्ग्य अनलाइन पत्रिका

अमर सन्तति :

१.
नम्रता इज्जत नैतिकताको हार भएपछि
बोली व्यहार नै करौँतीको धार भएपछि
कहाँ हुन्छ अमन चयन सुख शान्ति यहाँ –
मानिसमा राक्षसीपनको सवार भएपछि ।

२.
सुनैसुनको पाता छ रे भन्ने पनि सुनिँदैछ
करोडौँको खाता छ रे भन्ने पनि सुनिँदैछ
अरुमाथि औँला उठाउने ए मित्र हजुरको !
खै कोकोसँग नाता छ रे भन्ने पनि सुनिँदैछ ।

३.
कोही त अमूल्य मत यति छिट्टै सर्काउन पो थाले अरे !
केही सोद्धा पनि अब ओठे जवाफ फर्काउन पो थाले अरे !
स्वागत् गर्न नआएकोमा हान्ने साँढेझैँ रिसले डुक्रिएर ,
आफूलाई ठालू ठान्दै जनतालाई थर्काउन पो थाले अरे !

००० 
भक्तपुर