नेपाली हास्यव्यङ्ग्य अनलाइन पत्रिका

प्रकाश बस्नेत ‘गफाडी’ :

१.
कमाउ धन्दा गर्नेलाई जागिर त करकै राम्रो
लिउन ला’को झुप्रोलाई चट्ट छानो खरकै राम्रो
भन्नलाई त अनेक भन्छन् अनुभवी मान्छेहरू
नास्तापानी बाहिर मीठो भुजाभान्छा घरकै राम्रो ॥

२.
सात समुन्द्र तरि जान सजिलो कहाँ छ र
आँसु गहभरी लान सजिलो कहाँ छ र
नमरून्जेल जसोतसो बाच्नै पर्ने रहेछ
गरीबलाई गरि खान सजिलो कहाँ छ र ॥

३.
सम्यायौँ भने श्रमले भिरालो पनि पाटो बन्छ
पोखे यतै पसिना आफ्नै देशको माटो बन्छ
लगनशील बनिरहे असम्भव के नै छ र
हिडिरहे निरन्तर भीरमा पनि बाटो बन्छ ॥

०००
आलापोट, काठमाडाैं