नेपाली हास्यव्यङ्ग्य अनलाइन पत्रिका

काठमाडाैं । कर्मदा सिर्जना मञ्च नेपाल, पाउँदीबजार लमजुङले ५६ औँ विद्युतीय प्रसार स्वतन्त्र विधा रचनावाचन भव्य किसिमले सम्पन्न गरेको छ ।

कविगोष्ठी संस्थाका अध्यक्ष जगदीश्वर पोखरेलको अध्यक्षता तथा प्रमुख आमन्त्रित एवं समीक्षक प्रा. डा. देवी नेपाल ज्यू विशिष्ट अतिथि कलानिधि दाहाल, पुरुषोत्तम सिग्देल, डा. बमबहादुर थापा जिताली र डा. देवी पन्थी को गरिमामय उपस्थितिमा भव्यरूपमा सम्पन्न भयो ।

लमजुङको प्रवेशद्वारमा रहेको साहित्यिक संस्थाको कविगोष्ठीमा छन्द, स्वछन्द, कविता, चारु, रोचक ढङ्गबाट कविहरूले प्रस्तुत गरे । देश भक्ति भावले भरिएका, जनचेतना मूलक तथा सामाजिक विकृति बिरुद्ध प्रहार गरिएका रचना वाचन गरेका थिए ।

यस गरिमामय गोष्ठीमा सिर्जना वाचन गर्ने देवी नेपाल (भुजङ्प्रयात- अहङ्कारको आयु लामो हुँदैन), कलानिधि दाहाल (अनुष्टुप् – विश्व विशाल), पुरुषोत्तम सिग्देल (स्रग्विणी – रेलिमै रेलिमै कर्मदा), डा. बमबहादुर थापा जिताली (शिखरिणी – कवितामा जिता ), डा. देवी पन्थी ( चारु – वातावरण ), भोजराज न्यौपाने ( अनुष्टुप् – मेरो साथी ), गङ्गा लिगल ( स्वछन्द – ईश्वरीय प्रेम झै), दुर्गाप्रसाद सिग्देल ( स्रगधरा – बाजे ), खुसीराम डौलिया ( स्वच्छन्द – झझल्को ), चूडा निर्भीक ( इन्द्रवज्रा – होस् एकता ), जनार्दन अधिकारी धड्कन ( खोरियामा भजन – भुजङ्गप्रयात – पिता सृष्टिका हुन् सुनौलो निसानी ), युवराज घिमिरे ( शार्दूलविक्रीडित – फर्कन्छु गाउँतिर ), दुष्यन्त भटराईं ( शार्दूलविक्रीडित – मन्त्री प्रधानलाई प्रश्न छ ), जगदीश्वर पोखरेल ( पञ्चचामर – वसन्त ), टेकबहादुर लौडारी ( इन्द्रवज्रा – देह भयो उदाङ्ग ), द्वारिका कुइँकेल ( सवाई – नयाँवर्ष ), ( लक्ष्मिप्रसाद मिश्र ( सवाई – शुभकामना ), सुरेशचन्द्र घिमिरे ( कोपिला एक डाली ) बिनुबाबा घिमिरे र बाकृष्ण सुवेदी भद्र श्रोता हुनु हुन्थ्यो ।

प्रमुख अतिथि देवी नेपालले कर्मदा सिर्जना मञ्च नेपालले छन्दको उन्नयनमा योगदान गरेको छ भन्नुभयो । स्थापित र नवोदित सर्जकलाई आफ्ना रचना प्रस्तुत गर्ने, सिक्ने सिकाउने अवसर प्रदान गरेको छ भन्नु भयो ।

वाचन गरेका सिर्जनाको पद्यमा सुललित किसिमले समीक्ष गर्नु भएको थियो । प्रमुख अतिथिको कविताको समीक्षा कलानिधि दाहालले विशिष्ट किसिमल गर्नु भएको थियो ।

अध्यक्ष जगदीश्वर पोखरेलले गोष्ठीको संयोजन गर्नु भएको थियो । संस्थको अनुरोधलाई स्वीकार गरेर सहभागी भएर कविगोष्ठी सफल बनाई दिनु हुने सम्पूर्ण सर्जकलाई धन्यवाद दिदै समारोह समाप्त भएको घोषणा गर्नु भएको थियो ।

०००
जगदीश्वर पाेखरेलकाे साैजन्यमा