नेपाली हास्यव्यङ्ग्य अनलाइन पत्रिका

गङ्गादेवी र दक्षदेव पाण्डेका सुपुत्र बालमुकुन्द देव पाण्डे वि.सं. १९९३ कार्तिक ४ गते काठमाडौंमा जन्मिएका हुन् । ‘घटोत्कच शर्मा’, ‘बादेपा’, ‘बलमकनद’ ‘हात्तीगौँडे पुरेत’ जस्ता उपनामले हास्यव्यङ्ग्य लेख्ने गरेका थिए । पाण्डे ‘सामयिकी निर्देशन’ शीर्षकको लेखन तथा प्रकाशनपश्चात् साहित्यमा प्रवेश गरेका हुन् । उनको पहिलो प्रकाशित कृति ‘दमाहा’ (२०२४) हास्यव्यङ्ग्य निबन्धसङ्ग्रह हो । उनी ‘रमिता’ हास्यव्यङ्ग्य पत्रिका ‘रूपरेखा’, ‘गोरखापत्र’, ‘युवामञ्च’ लगायत पत्रपत्रिकाक सम्पादक रहेका थिए । सुप्रसिद्ध ‘गोरखा दक्षिणबाहु’ (२०२४), ‘भैरव पुरस्कार’ (२०४८) द्वारा पुरस्कृत व्यक्तित्व घटोत्कच शर्माको निधन २०५९ असार ५ गते भएको थियो ।