भावना न्याैपानेबृद्ध बाआमाको मर्म बुझौँ
यी यस्ता बृद्धा बाबा आमाको सेवामा नलाग्दा उनीहरूको भावना र त्यागको कदर नगर्दा ।
भावना न्यौपाने
बृद्धा बाबा आमा हुन् जीवनको मुहान
बृद्धा बाबा आमानै हुन् जगतको ज्ञान ।
उनीहरूले तिमीलाई हिंड्न सिकाए
लडेको ठाउँबाट उठ्न सिकाए ।
उनीहरूले सिकाए तिमीलाई पढ्नलाई
उनीहरूलेनै सिकाए अगाडि बढ्नलाई ।
गाँस गाँस काटेर खुवाएको सम्झ
उनीहरूको काखमा खेलेको सम्झ ।
नजिक भई सुनिदेऊ तिमी उनको गाथा
अघि बढ्न पाउँनेछौ सधैं सधै साथ ।
आकाशमा बादल गड्गड्उँदा आमा भनि बोलाउँदा
आमाले छातीमा टाँसेर राखेको त्यो समय सँम्झदा ।
यी यस्ता बृद्धा बाबा आमाको सेवामा नलाग्दा
उनीहरूको भावना र त्यागको कदर नगर्दा ।
हामी र हाम्रो राष्ट्र सधैं पछाडिको पछाडिनै पर्नेछ
उनीहरूले राष्ट्रको लागि गरेको योगदान नबुझ्दा ।
अब सबले उनीहरूको मर्म बुझ्नुपर्यो
पीडित बृद्धा बाआमाको संरक्षण गर्नुपर्यो ।
०००
भक्तपुर
