नेपाली हास्यव्यङ्ग्य अनलाइन पत्रिका

हेम अधिकारी :

बाआमा रज बीज हुन्छ गुनिलो भन्ने बुझेको थियो
कस्तो भो पृय काखमा गुटुमुटी, छाती चुसेको थियो ।
पापी,धुर्त नहून् बरू सुत नहून् तानो बनाई दिने
आफ्नो श्रेय समाज प्रेय गतिला सत्पुत्र हुुन् सम्झिने ॥

कालो मेघ मडारिँदै घनघटा गर्जन्छ गर्जन्छ यो
चम्किन्छन् बिजुली झिलिक्क जगतै थर्कन्छ थर्कन्छ पो ।
बाढी भित्र घरै पसेर सपना जम्मै बगाई दियो
हाम्रो फेरि वसन्तको दिन यसै कैल्यै नफिर्ने भयो ॥

गाई गोठ छ खालि छैन दुधको थोपो,छ रित्तै कुँडे
हाम्रो शक्ति रहेन खेत अब लौ बारी सबै बाँझिए ।
धारा साउनका झरीसरि भई आँसु झरे धर्धरी
प्यारो यो घर नै उजाड अब भो काम्छौँ सधैँ थर्थरी ॥

जेठो भो निठुरी बधू छ कपटी मातापिता बिर्सिए
कान्छो दुष्ट स्वभावको छ निठुरी झन् त्रास बड्दै गए ।
कान्छो गर्भ तुहेसरी हुन गयो भो आज सातो लिने ।
छोरा छन् तर आस छैन अबता त्यो दागबत्ती दिने ॥

०००
दमक, झापा