नेपाली हास्यव्यङ्ग्य अनलाइन पत्रिका

हेम अधिकारी :

कान्छालाई सुधार्नलाई गतिली खोजौँ बुहारी बरू
भित्र्याई कुलकी सुलक्षण वधू राम्रो बनाऔँ अरू
हाम्रो आश यही छ मात्र पृय यो कान्छो सपारौँ अब
सेवा गर्न वधू र पुत्र सहजै लाग्लान् खुसीले तब ।

कान्छाको अब गर्नु पर्दछ बिहे बूढो हुनेभो अरू
हेरी सुन्दर रूपकी र कुलकी, ल्याऔँ सुशीला बहू
राम्रा लक्षणकी ,सँभार घरको गर्ने बधू आउली
बाआमासरि मान ,आदर गरी माया सबै पाउली ॥

कान्छो मूर्ख भयो बुझेन उसले ,आशा गरेका भर !
लामो केश छ , झ्याप्प राख्छ झुसिला दारी दुरुस्तै खर
खायी जान्छ कता हराउँछ सधैँ ठान्दैन आफ्नो घर
आए श्रेष्ठ बधू कतै सुख दिने हुन्थिन् कि हाम्रो भर ॥

सम्झाऊँ कसरी बुझेन यसरी कान्छो कहाँ सुन्दछ
जेठा आउन ! दाजु भाइ अहिले सम्झाउँदा मान्दछ
यस्तो भो घरमा पर्यौँ बिलखमा, छोरा तिमी आउन
छिट्टै गर्नुछ भाइको अब बिहे थाहा सबै पाउन ॥

०००
दमक, झापा