नेपाली हास्यव्यङ्ग्य अनलाइन पत्रिका

युवराज मैनाली :

एक चक्रवर्ती सम्राट… । नेत्र ज्योति मन्द तथा मनमा भयानक अहङ्कारको ज्वाला । फरक स्थानमा रहेका तीन वटा ऐना सामू गएर उनले आफ्नो प्रतिविम्ब हेरे ।

पहिलो ऐनामा उनले आफूलाई सूर्य समान तेजस्वी, सिंह समान भीषण र मत्ता हात्ती समान बलबान देखे ।

दोस्रोको उनी धर्मका साक्षात् प्रतिमूर्ति, विदुरभन्दा नीतिवान र नकुल भन्दा सुन्दर ।

तेस्रो ऐनामा उनी थकित, मोहग्रस्त, न्यायविमुख र स्त्रीलम्पट ।

रिसले चुर भएका राजाले तेस्रो ऐनालाई टुक्राटुक्रा पारिदिए ।

बाँकी दुई ऐनाहरू पनि आफैमा टूटे, भरोसाको मन्दाकिनीमा विलीन भए ।

०००
काठमाडाैं