नेपाली हास्यव्यङ्ग्य अनलाइन पत्रिका

साथीसँगै रहरले अब खेल्नु होली
हाँसी खुशी सबसँगै नव रंग घोली
छिः छिः नहोस् सकलमा र नहोस् नमज्जा
आहा भनून् सकलले तब पो छ मज्जा ॥

जे जे लुगा छ घरमा सजिला लगाऊ
नाँच्दै तिमी सबजना अब लौ नचाऊ
देखेर वृद्ध गणले धुप नै लगाऊन्
हाँसून् युवा र कलिला सब नै रमाऊन् ॥

लोला नहान बटुवा अनि वृद्ध अशक्त
बाटो दिनू सहजले नगरे वितर्क
हान्छन् कतै त छिलिदै युवती भिजाई
मज्जा लिंदा युवकले झन कष्टदायी ॥

यो फागुको अविरले मन होस् विशुद्ध
जाने खुशी छ दुनियाँ र नखोज बुद्ध
यो फागु पर्व कसरी सुरूभो बुझे है
प्रह्लाद कथा छ अति मार्मिक यो सुने है ॥

०००
सानोठिमी, भक्तपुर