बिनुबाबा घिमिरेम भन्दिन
आफैं लाऊँ खाऊँ भन्दै सबलाइ दुःख दिनेलाई अरिङ्गालले नटोकोस् है भनेर नि म भन्दिन ।
बिनुबाबा घिमिरे
मैले काँध थाप्दा थाप्दै
फाल हाल्ने तिमीलाई
काँढाहरू शरीरमा
नबिजोस् है म भन्दिन
दुःख जति मैले खपी
अँगाल्दा नि तिमीलाई
पटक्क नपचेपछि
आत्मशान्ति मिलोस् भनि
कहिल्यै म भन्दिन
फक्रिएको फूलदेखि
र्याल चुहाई जानेलाई
गिर्खालेनै टाउककोमा
नलागोस् है म भन्दिन
आफैं लाऊँ खाऊँ भन्दै
सबलाइ दुःख दिनेलाई
अरिङ्गालले नटोकोस् है
भनेर नि म भन्दिन ।
०००
काठमाडौं
