नेपाली हास्यव्यङ्ग्य अनलाइन पत्रिका

लावण्य सापकोटा :

हाँसको हेर डक–फाइट
कखुराको हेर कक–फाइट
ककुरको हेर डग–फाइट
सुँगुरको हेर पिग–फाइट
साँढेको हेर बुल–फाइट
सांसदको हेर टेबुल–फाइट ।

मेवा र घिउको असल डाइट
मन्त्रीजिउको मसल टाइट
किन नहोस् टस्सल, फाइट
कुर्सी प्लस टेबुल–फाइट ।

हाेल डे, होल नाइट
साँढेको हेर बुल–फाइट
सांसदको हेर टेबुल–फाइट
सिनेमाको जस्तो फुल–फाइट
आहा, कस्तो ब्युटिफुल फाइट ।

हाफ–मन्त्रीको हाफ–फाइट
फुल मन्त्रीको फुल–फाइट
आहा, कस्तो ब्युटिफुल फाइट ।

०००
फित्काैली मासिक (२०६४)

पहिलाेपटक फित्काैलीमा प्रविष्ट मिति मंसिर ९, २०७०