साइबर अपराध सम्बन्धी सचेतना सामग्री

कुलत

मान्छे भए सहजमा अब बुद्धि आओस् । यो चित्त भित्र सजिलै वशमा लगाओस् । झर्ला कुहेर नबुझेर मनुष्य चोला । बेला बितेपछि बिजोग नभोग्नु होला ॥

Nepal Telecom ad

भगवतीप्रसाद शर्मा :

गाई दुहुन्छ घरको अनि बेच्न आयो ।
बाटो हिँडेर जिउमा पसिना बगायो ।
तिर्खा मिटाउन सिधै अब कोक खायो ।
बेचेर दूध उसले रुपियाँ उडायो ॥१

धायो बजार जहिल्यै अनि पान खायो ।
खैनी चुरोट जति अम्बल सिक्न धायो ।
गर्दा बिगार दिलमा न त चाल पायो ।
पैसा कता बचत होस् सहजै उडायो ॥२

सस्तो अचेल पसिना रउसेहरूको ।
सस्तो भयो दुध अझै तलका अरूको ।
मर्दैछ त्यो श्रम सधैँ दुखको भकारो ।
सुध्रिन्छ होटल जहाँ मदले उकालो ॥३

घण्टौँ चिया पसलमा गफ चल्छ थारो ।
खायो त्यहीँ वियर झन् पछिको उधारो ।
पारो चढेर अब जीवन हुन्छ घारो ।
यो जिन्दगी गजबको नहुने हतारो ॥४

साथी र सङ्गत बढे नदिई तघारो ।
आफै भएछ तरुनो तरुनी पियारो ।
साथी बनेर मदिरा तन भित्र धारो ।
खायो रमेर उसमै दुनियाँ उमारो ॥५

रित्तो पकेट जहिल्यै घर चल्न छाड्यो ।
बढ्दैछ तल्तल उता मदिरा करायो ।
मान्छे भएर जिउँदो उसकै कमारो ।
यो जिन्दगी गजबको अब ता उधारो ॥६

छामेर जेब रुपियाँतिर हातलाई ।
छल्दै पिएर मदिरा मन यो बुझाई ।
यो जिन्दगी मद सँगै दिलचित्त लायो ।
साथी झिँगा कुकुर छन् अझ ऊ रमायो ॥७

भेट्दा बिहान हँसिलो जहिल्यै हतारो ।
सम्साँझ हुन्छ जहिल्यै छ उही अँध्यारो ।
रक्सी भएपछि सधैँ घर नै विरानो ।
यो जिन्दगी गजबको मदिरा छ छानो ॥८

अर्ती न बुद्धि अहिले कसको न लाग्छ ।
मान्छे न इज्जत रह्यो पछि को न लाग्छ ।
गढ्दा अहो ! कुलतले परिवार रुन्छ ।
छाडौँ नसा मनुज हो ! पछुतो रहन्छ ॥९

मान्छे भए सहजमा अब बुद्धि आओस् ।
यो चित्त भित्र सजिलै वशमा लगाओस् ।
झर्ला कुहेर नबुझेर मनुष्य चोला ।
बेला बितेपछि बिजोग नभोग्नु होला ॥१०

०००
खोटाङ

Subscribe
Notify of
guest

0 Comments
Oldest
Newest Most Voted
Nepal Telecom ad
यी ज्येष्ठ नागरिकमा छ सदा प्रणाम

यी ज्येष्ठ नागरिकमा छ...

भगवतीप्रसाद शर्मा
असारे भाका गाउँछन् पाका

असारे भाका गाउँछन् पाका

भगवतीप्रसाद शर्मा
बन्न गाह्रो

बन्न गाह्रो

भगवतीप्रसाद शर्मा
बुढ्यौली

बुढ्यौली

भगवतीप्रसाद शर्मा
चाड नै विकृत

चाड नै विकृत

भगवतीप्रसाद शर्मा
ठगको सामर्थ्य

ठगको सामर्थ्य

भगवतीप्रसाद शर्मा
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
सासूससुरा पालैपालो हसुर !

सासूससुरा पालैपालो हसुर !

रणबहादुर बुढाथोकी ‘भैया’
0
Would love your thoughts, please comment.x
()
x