नेपाली हास्यव्यङ्ग्य अनलाइन पत्रिका

सुभाषचन्द्र देवकोटा :

पत्रकार – नेताज्यू स्वागत छ !
नेताज्यू – क्रान्तिकारी अभिवादन ! मुड्के सलाम !
पत्रकार – पार्टी फोर्नु भएछ ?
नेताज्यू – क्रान्तिको लागि !
पत्रकार – सरकार भ्रष्ट छ भन्नु हुन्थ्यो गठबन्धन गर्नु भएछ ?
नेताज्यू – क्रान्तिको लागि !
पत्रकार – ज्वाईंलाई राजदूत बनाउनु भएछ ?
नेताज्यू – क्रान्तिको लागि !
पत्रकार – छोरीलाई प्रमुख बनाउनु भएछ ?
नेताज्यू – क्रान्तिको लागि !
पत्रकार – श्रीमतिलाई सांसद बनाउनु भएछ ?
नेताज्यू – क्रान्तिको लागि !
पत्रकार – साँढुभाईलाई ठेकेदार बनाउनु भएछ ?
नेताज्यू – क्रान्तिको लागि !
पत्रकार – सरकारी जग्गा हडप्नु भएछ ?
नेताज्यू – क्रान्तिको लागि !
पत्रकार – सुन तस्करलाई नेता छान्नु भएछ ? नेताज्यू-क्रान्तिको लागि !
पत्रकार – सहकारीको पैसा खानु भएछ ?
नेताज्यू – क्रान्तिको लागि !
पत्रकार – राजदूताबास धाउनु हुँदोरैछ ।
नेताज्यू – क्रान्तिको लागि !
पत्रकार – किन मुस्कुराउनु भयो ?
नेताज्यू – क्रान्तिको लागि !
नेताज्यूको क्रान्तिकारी गाथा
अपरम्पार छ !
नेताज्यू, क्रान्ति नै खानु हुन्छ !
नेताज्यू, क्रान्तिमै सुत्नु हुन्छ, उठ्नु हुन्छ !
नेताज्यूकै छत्र छायाँमा,
क्रान्तिकारी पार्टी अघिबढी रहेको छ !
हामी क्रान्तिको प्रतिक्षामा छौँ !
जय क्रान्ति !

०००
गोरखा, हाल काठमाडौं