खगेन्द्र नेउपानेगाउँतिर आजभाेलि कविता पढिँदैन
माेबाइलमा सन्तानकाे घुर्मैलाे अनुहार काेतरेर आफ्नु भाषा नबुझ्ने नातिनातिनासँग आँखाकाे भाका पाेखेर बाई ! भन्दा पनि आँसु अडिँदैन गाउँतिर आजभाेलि कविता पढिँदैन ।
खगेन्द्र नेउपाने :
गाउँतिर आजभाेलि कविता पढिँदैन ।
बरु ट्याक्टर चढिन्छ
हिलाे आलीमा लडिन्छ
माले फुर्के बेचियाे हजुर !
हलाेजुवा हराइसक्याे
मेसिनकाे जमाना आइसक्याे
त्यसैमा बूढापाकाकाे मात्रै अलिकति मन अडिन्छ
तन्नेरीकाे अडिँदैन
गाउँतिर आजभाेलि कविता पढिँदैन ।
तन्नेरीहरु चाेकमा भेला हुँदैनन्
गाउँमा तन्नेरीहरु भए पाे
त्यसैले गाउँकाे चाैताराे पनि जेष्ठ नागरिक भैसक्याे
पुराना दिनहरुमा ओथारा बसेर
नयाँ युग जन्मिदैन
माेबाइलमा सन्तानकाे घुर्मैलाे अनुहार काेतरेर
आफ्नु भाषा नबुझ्ने नातिनातिनासँग
आँखाकाे भाका पाेखेर
बाई ! भन्दा पनि आँसु अडिँदैन
गाउँतिर आजभाेलि कविता पढिँदैन ।
कविता पढ्नलाई शहर चाहिन्छ
थुप्रै रहरहरु पाेख्ने अवसर चाहिन्छ
त्यसै भएर हाेला
कागजमा अक्षरहरु अडिँदैन
गाउँतिर आजभाेेलि कविता पढिँदैन ।
०००
गाैरादह, झापा
Subscribe
Login
0 Comments
Oldest
