नेपाली हास्यव्यङ्ग्य अनलाइन पत्रिका

साधुराम खड्का :

पानीले घरबार बगाए पनि
मिनरलवाटर बिक्छ यहाँ
जोडघटाउ जे गरेर भए पनि
टाउकेकै शासन टिक्छ यहाँ
देशले घुम्टो ओडे पनि
झोलेले मुहार फेर्छ यहाँ
गमलामैं धान रोपेर पनि
कृषि क्रान्ति चल्छ यहाँ
जनतालाई विभिन्न कर तिराएर
लरखराउँदै चल्छ सरकार यहाँ
युवाहरूलाई विदेश लखेटेर
असी वर्षे युवाले लौरो टेक्दै
उद्घाटन गर्छन् युवा वर्षको शुरुवात यहाँ
आफन्त झैं झस्स देखिने
अत्यास लाग्दो भीडमा एक्लै उभिएका हुन्छन् युवा !

०००
काठमाडौं