नेपाली हास्यव्यङ्ग्य अनलाइन पत्रिका

सुभाषचन्द्र देवकोटा :

हजुरले त दरबारै बनाउनु भएछ !
गाडी पनि दामी, दामी किन्नु भएछ !
घडेरी पनि थुप्रै जोड्नु भयो रे !
व्यपारीलाई पार्टनर बनाउनु भएछ !
आफन्तको नाममा बैङ्क ब्यालेन्स भर्नु भएछ !
समृद्धिको मूल फुटाउनु भएछ !

भन्नुस् त हजुर !
कति पटक संसद बन्नु भयो ?
कति पटक मन्त्री बन्नु भयो ?
कतिपटक मालदार अड्डाको हाकिम हुनु भयो ?
कतिवटा सहकारी ठग्नु भयो ?
कति जनालाई शरणार्थी बनाएर विदेश बेच्नु भयो ?
कति सरकारी जग्गा लुट्नु भयो ?
कति कुइन्टल सुन भित्र्याउनु भयो ?

समृद्धिको मूल राम्रै फुटाउनु भएछ !
आफ्नै घर परिवारको चोटा चोटामा पुर्‍याउनु भएछ ।
हजुरले त कमाल गर्नु भएछ ।

०००
गोरखा, हाल काठमाडौं