भोजराज रेग्मी ‘मुखाले’टुक्रे दनक
गतिछाडाहरूको आइपिओमा म पनि शेयर हाल्दैछु न अल्मल्याओ है छौँडाछौँडी हो मलाई फुर्सद छैन, म त बाध्यताले लोकतन्त्रको खोरमा नकचराहरू पाल्दैछु ।
भाेजराज रेग्मी मुखाले :
वरपीपलको रूख मासेर शालिक बनाउँछौ
आफ्नै जरो काट्नेलाई मालिक बनाउँछौ
तिम्रो घिचाइ देखेर गिद्ध पनि छक्क पर्छ गाँठे !
बीउको बोकोले पनि नाक थुन्ने गरी कत्ती गनाउँछौ ? :
*
ओई काठमाण्डु ! खोइ काठ्माण्डु ?
ब्वाइफ्रेण्ड काठमाण्डु , पोइ काठमाण्डु
खोज्न जाने माछा अनि मणि पनि पाइन्छ
गर्लफ्रेण्ड काठमाण्डु , जोई काठमाण्डु ।
*
मनमा कताकती टाँसिएका लाजशरम खुर्केर फाल्दैछु
गतिछाडाहरूको आइपिओमा म पनि शेयर हाल्दैछु
न अल्मल्याओ है छौँडाछौँडी हो मलाई फुर्सद छैन,
म त बाध्यताले लोकतन्त्रको खोरमा नकचराहरू पाल्दैछु ।
*
चुकुल बिग्य्रा चर्पीभित्र सुसेल्दासुसेल्दै गायक भइएछ
टिकटकमा नखरा पार्दापार्दै नायक भइएछ
गर्नै नहुने काम गर्दागर्दै राष्ट्रिय डन घोषित भएपछि
महापुरुषहरूले मनपराउने लायक भइएछ ।
*
०००
भक्तपुर
गज्जब! गज्जब!!
मज्जैले नाप्या कुरो गरो मुखाले भाइले