सुभाषचन्द्र देवकाेटात्याग गर्ने बेला आयो ?
अब मेरो गीता गाऊ मेरो भजन गाऊ। एक चोटि बल गर सके फेरि एक पटक मोज गरौला एकपटक फेरि बल गर, अब त्याग गर्ने बेला आयो म त्याग गर्न तयार छु ।
सुभाषचन्द्र देवकाेटा :
म त्याग गर्न तयार छु।
भुजा त्याग गर्दिन
रम त्याग गर्दिन।
सम्पत्ति त्याग गर्दिन।
सान त्याग गर्दिन
तर पनि म
त्याग गर्न तयार छु।
म घोषणा गर्छु,
अब त्याग गर्ने बेला भयो,
हिजो लुटेको बिर्सियो
हिजो भुटेको बिर्सियो
आफन्तको घाँटी रेटेर
माथि उक्लिएको बिर्सियो
तर, पनि म त्याग गर्न तयार छु।
प्रिय मेरा,
ढोके, हुक्केहरु,
चम्चे,लठै र छातेहरु,
अब इज्ज्यत त्याग गर।
लाज र शर्म त्याग गर।
सालिनताको मुकुण्डो उतार
आउ अब फेरि
एक पटक बल गर
र
मेरो बग्गी तान।
म त्याग गर्न तयार छु।
पुर्खाले कसैको नाक तासे
कसैको शिर काटे
गर्नुसम्म गरे,खानुसम्म खाए,
म कसरी नखाई बस्न सक्छु ?
म कसरी फुत्केको हेर्न सक्छु?
मेरा नन्दीभिरिङ्गी हो,
मेरो सिता मात्र कति खान्छौ ?
अब मेरो गीता गाऊ
मेरो भजन गाऊ ।
एक चोटि बल गर
सके फेरि एक पटक मोज गरौला
एकपटक फेरि बल गर,
अब त्याग गर्ने बेला आयो
म त्याग गर्न तयार छु।
०००
हाल जनकपुर
Subscribe
Login
0 Comments
Oldest
