रामप्रसाद पन्थीआऊ हाेली खेलाैँ
सरकारी ढकुटीकाे हामी आफै भान्छे पि.ए देखि सि.ए सम्म राख्छाैैं आफ्नै मान्छे । पिटे जस्तो तैंले गर्नु राेए जस्तो मैले जनताकाे पसिनामा हाेली खेलाैं जैले ।
रामप्रसाद पन्थी :
हाेली हाम्राे धर्मसँग जाेडिएकाे पर्व
नयाँपन ल्याई अब गराैं सबै गर्व ।
प्रह्लादकाे इतिहास मेटाएर अब
हाेलीकाकाे जय गान गर्नु पर्छ सब ।
काले माले झाले राले आऊ हाेली खेलाैं
अबिरकाे सट्टा अब कालाे माेसाे दलाैं ।
जनताका तालु ताकी लाेला हानी हालाैं
धुरीबाट सडकमा लेदाे घाेली फालाैं ।
हिलाे छ्यापाैं अरूमाथि आफू चाेखाे बनाैं
लुकाछिपी खेल खेल्न खाल्डो आफै खनाैं ।
प्रजातन्त्र लाेकतन्त्र गणतन्त्र हुँदै
निमुखाकाे रगतले हाेली खेल्याैं खुबै ।
सरकारी ढकुटीकाे हामी आफै भान्छे
पि.ए देखि सि.ए सम्म राख्छाैैं आफ्नै मान्छे ।
पिटे जस्तो तैंले गर्नु राेए जस्तो मैले
जनताकाे पसिनामा हाेली खेलाैं जैले ।
०००
रेसुङ्गा न पा २, गुल्मी
२०८१।११।२९
Subscribe
Login
0 Comments
Oldest
