बिन्दु दहाल ‘मूकदर्शक’यस्ता हुन्छन् साथीहरू
जस्तै होस् न पिरो र नून नुनिलो खप्लक्क खान्छन् सबै तातोले पनि पिल्सियोस् न मुख त्यो निल्छन् मजाले खुदै पैसा झिक्नु परे बनेर शवझैँ हुन्छ्न् अँध्यारा कति आओ खान भन्यो भने खुस हुँदै नाच्छन् खुसीले अति ।
बिन्दु दहाल मूकदर्शक :
गोजीमा रुपियाँ भए नजिकमा लार्भाहरू आउँछन्
मेरा मित्र भनी जुका र उपियाँ सङ्गीत पो गाउँछन्
गोजी रिक्त भए सुदूर पुरमा पुग्छन् पराई बनी
बाँको खान तयार छन् मुफतमा हाँगा जरा नै खनी ।
लाई तेल अचेल मस्त कुखुरा खान्छन् मुसाले पनि
केही खान दिएन छैन भनिए घोच्छन् टुसाले पनि
थुप्रै भ्यात्लुङ टाँसिएर तनमा चुस्छन् मजाले सधैँ
उफ्रिन्छन् सब भ्यागुता पनि यहाँ पछ्याउँदै झन् अझै ।
सक्दो लुच्छन तयार छन् कति यहाँ ब्वाँसा खुदै स्यालले
पर्छन् छेउ तिनै अजिङ्गरहरू खान्छन् बडो झ्यालले
खाने हो जसरी जुनै तरहले गोहीहरू भन्दछन्
जन्म्यो खान सबै हुरुक्क यसमै सत्कर्म नै मन्द छन् ।
जस्तै होस् न पिरो र नून नुनिलो खप्लक्क खान्छन् सबै
तातोले पनि पिल्सियोस् न मुख त्यो निल्छन् मजाले खुदै
पैसा झिक्नु परे बनेर शवझैँ हुन्छ्न् अँध्यारा कति
आओ खान भन्यो भने खुस हुँदै नाच्छन् खुसीले अति ।
मौरीसम्म अगस्ति हुन्छ सजिलै आदर्श बिर्सी किन
स्वार्थीका मुखका कुरा बिरसिला मान्छेहरू हो चिन
सित्तैमा अलकत्र खान जहिले हुन्छन् जुके सज्जन
पैसा तागत शत्रुमित्रु पनि हो दौडाउने धड्कन ।
०००
दमक, झापा
Subscribe
Login
0 Comments
Oldest
