नेपाली हास्यव्यङ्ग्य अनलाइन पत्रिका

नन्दलाल आचार्य :

साँझ पर्ने वित्तिक्कै बन्दुकको आवाज सुनियोस्
यी आँखाले दिनदिनै निर्दोष ढलेको देखियोस्

घमण्ड मन र अहंकारले पवित्र मन छोपियोस्
जनताको शिर टेकेर अहंकारीमाथि उक्लियोस्
उद्दण्ड राजा म सबको ‘सगर्व कुर्लन पाइयोस्’

मलाई छैन इच्छा पुण्य कमाउँदै हिँडूँ
जहाँ लुट्न पाइन्छ बरु त्यहीँ पुगूँ
नेपाली भुट्न पाइयोस्

यो शान्ति पनि मेरै अहंकारले फर्कियोस्
यहीँको पौरख अघाउन्जेली चुसेर बाँच्न पाइयोस्
अहंकारी राज्यका निम्ति ‘यो शरीर मोटाउन पाइयोस्

साँझ पर्ने वित्तिकै बन्दुकको आवाज सुनियोस्
यी आँखाले दिनदिनै निर्दोष ढलेको देखियोस् ।

०००
– तपेश्वरी-१, उदयपुर
मधुपर्क (२०६४)