नेपाली हास्यव्यङ्ग्य अनलाइन पत्रिका

खगेन्द्र नेउपाने :

अहिले जङ्गल छैन
गाईबस्तु कसैले हेर्दैन
भेडा पनि खरितेले शहर लगिसके
आफूसँग सुकाे छैन
गाउँकाे ब्याज अरुले नै ठगिसके
आउनुहाेस आफूआफू अघि सराैँ
मन नपरेकाकाे बाेलीमा
पाखुरा सुर्किएर
मन परेकाकाे लाेलीमा
फुरुक्क फुर्किएर
एउटा एउटाकाे ट्याग धराैँ
धेरै भयाे मुख चिलाएकाे
एउटा छाडा गाली प्रतियोगिता गराैँ ।

एकातिरकाले ला भनाैँ
अर्कोतिरकाले यत्राे खा भनाैँ
सकेसम्म छाडा खाेजाैं
स्वादिला शब्द राजाैँ
लाज लागे लुकेर बाेलाैँ
फ्याट्ट अप्ठ्यारा शब्द ढुकेर बाेलाैँ
तेरीमा अर्काे तिरकाे समर्थकलाई
घाेचेर बाेलाैँ
पछि के हाेला भन्ने नसाेचेर बाेलाैँ
सबैलाई फुर्सदै रहेछ
विकार सबै ओकलेर मन भराैँ
धेरै भयाे मुख चिलाएकाे
एउटा छाडा गाली प्रतियाेगिता गराैँ ।

सामाजिक सञ्जालमा भरिएका गालीहरु
नेता अभिनेता
पत्रकार कलाकार
शिक्षक पुलिस
उद्योगपति कर्मचारी
सबैतिर छरिएका गालीहरु
सबै समेटाैँ
नभेटिएकालाई पनि भेटाैँ
सबै मेलाे मेटाैँ
लाै हजुर ! लागिपराैँ
धेरै भयाे मुख चिलाएकाे
एउटा छाडा गाली प्रतियाेगिता गराैँ ।

कसैले खाएर बाेलाैँ
कसैले लाएर बाेलाैँ
पाखुरा हुनेहरु हाक्काहाक्की बाेलाैँ
पाखुरा नहुनेहरु डराएर बाेलाैँ
सबैकाे मुख चिलाएकै रहेछ
पाखुरा सुर्कीसुर्की अघि सराैँ
एउटा छाडा गाली प्रतियाेगिता गराैँ ।

आउँनाेस्,
उँधाे फर्किएर गाली गर्नेहरु पनि आउँनुहाेस्
उँभाे फर्किएर गाली गर्नेहरु पनि आउँनाेस्
समुन्द्र पारिबाट गाली गर्नेहरु पनि आउँनाेस्
आफ्नै बारीबाट गाली गर्नेहरु पनि आउँनाेस्
मनभरि शब्द लिएर आउँनाेस्
मनपरि शब्द लिएर आउँनाेस्
एकैछिन सादगी छाेडेर आउँनाेस्
मनग्गे …. पिएर आउँनाेस्
अब सबैले आआफ्ना ओैकातबाट तल झराैँ
एउटा छाडा गाली प्रतियाेगिता गराैँ ।

०००
गाैरादह, झापा