फित्काैली डटकमफेरि आयो नयाँ वर्ष
हत्या, हिंसा, अत्याचार हुँदै नहुन् कहिल्यै सबै जाति, भाषा, धर्म एक ढिक्का हुन् जहिल्यै अखण्ड होस् देश भन्ने जनभावना छ फेरि आयो नयाँ वर्ष शुभकामना छ ।
रमेश पाेखरेल :
समृद्धि होस् मुलुकको शान्ति छाओस् देशमा
हाँसीखुसी बाँच्न पाइयोस् नयाँ परिवेशमा
सगरमाथासरि आस्था निष्ठा नि चुलियोस्
चट्टानझैँ अनुशासन सदैव खडा होस् ।
डाँडाकाँडा हरियाली फूल फुलेको राम्रो
अखण्डता जोगाउँदै धान झुलेको राम्रो
एकैपटक हिमाल, पहाड, तराई हाँसे राम्रो
शुभ रहोस् भन्दै आयो नयाँ वर्ष हाम्रो ।
हत्या, हिंसा, अत्याचार हुँदै नहुन् कहिल्यै
सबै जाति, भाषा, धर्म एक ढिक्का हुन् जहिल्यै
अखण्ड होस् देश भन्ने जनभावना छ
फेरि आयो नयाँ वर्ष शुभकामना छ ।
०००
काठमाडाैं
Subscribe
Login
0 Comments
Oldest
