प्रा. कपिल अज्ञातअहङ्कारको आगो
न कुनैमा सदाशयता छ न कुनैमा सृजनात्मकता आफ्नै उन्मादले अन्धो बनेर भविष्यप्रति पूरै उदासीन र वेपर्वाह बनी वर्तमानलाई लडाइरहेछन् ।
प्रा. कपिल अज्ञात :
दन्किरहेछ अहङ्कारको आगो
आक्रामक र विध्वंसक बनेर
कतै कम हुन नपाओस् भनी
बराबर घिउतेल थपिरहेछन् ।
न कुनैमा सदाशयता छ
न कुनैमा सृजनात्मकता
आफ्नै उन्मादले अन्धो बनेर
भविष्यप्रति पूरै उदासीन र वेपर्वाह बनी
वर्तमानलाई लडाइरहेछन् ।
अमेरिका गर्छ भ्रमको व्यापार
नेपाल गर्छ झूटको खेती
राजनीतिको यो कस्तो सिको
भन्छन् अझै चरैवेति चरैवेति ।
खुला मैदान हो चुनाव
जनता घोडा हुन्
जो चढेर लगाम पक्री
बेशी दौड्यो
उसैको झण्डा फहराउन सक्छ ।
०००
कीर्तिपुर
कविता क्षितिज (२०८२)
Subscribe
Login
0 Comments
Oldest
