लक्ष्मण नेवटियापाठकको खोजीमा कविता
भोका अतिथिलाई मिठो भोज पनि खुवाइन्छ । सबैथोक हुन्छ, तर एउटा कामचाहिँ पटक्कै हुँदैन... कविता लेखिन्छ, तर पढिँदैन।
लक्ष्मण नेवटिया :
यहाँ कविता थुप्रै,
थुप्रो पारेर लेखिन्छ,
पुस्तक विमोचन त,
दिनहुँजसो देखिन्छ।
ताली बजाइन्छ,
दोसल्ला ओढाइन्छ,
कविकै गोजीबाट
मायाको चिनो बाँडिन्छ।
किताब बोकेर ल्याउने
ठेला गाडा -हाल भाडा
कविबाटै तिराइन्छ,
भोका अतिथिलाई मिठो
भोज पनि खुवाइन्छ ।
सबैथोक हुन्छ,
तर एउटा कामचाहिँ
पटक्कै हुँदैन…
कविता लेखिन्छ,
तर पढिँदैन।
०००
विराटनगर
Subscribe
Login
0 Comments
Oldest
