नेपाली हास्यव्यङ्ग्य अनलाइन पत्रिका

जेठो छोरो जौडे निस्कियो
खेल्छ जुडो
माइलो छोरो कौडे निस्कियो
खेल्छ कौडो
साइँलो चाइँ साँढे निस्कियो
मच्चाउँछ रैफाँडो !

काइँलो छोरो किसान निस्कियो
फलाउँछ फर्सी, कुभिण्डो
जन्तरे बजिया जँड्याहा निस्कियो
बुद्धि भो उभिण्डो !

खन्तरे छोरो खेलाडी निस्कियो
खेल्छ मैदानमा भकुण्डो
मन्तरे मोरो मन्त्री निस्कियो
खेल्छ मन्त्रालयमै ताइकुण्डो
लखन्तरे लठुवा लुरे प¥यो
खेल्छ कोठामा लुँडो ! !

कान्छो छोरो कोक्ल्याँटो निस्कियो
कुरो गर्छ बिब्ल्याँटो
कोक्ल्याँटै भए पनि कवि निस्कियो
चलाउँछ टुँडो ! ! !

मैँ परे बिकामे बूढो
न त खेल्छु जुडो
न त खेल्छु लुँडो
न त चलाउँछु टुँडो
म त केवल
बसीबसी हल्लाउँछु घुँडो ! ! ! !

जनपथटोल, विराटनगर