नेपाली हास्यव्यङ्ग्य अनलाइन पत्रिका

छिनछिनमा फोनका फोन आइरहने कहिले होउँला
सबैले प्रशंसा मात्रै गाइरहने कहिले होउँला !

सबैको हेला, हाँसो भइरहेको छु म
प्रत्येक बोलीमा ‘बक्स्योस्’ लाइरहने कहिले होउँला !

थाहा त पाएँ मैले सम्पत्ति सर्वस्व हो
भत्ता, कमिसन घूस नै खाइरहने कहिले होउँला !

बिराउनु केही हुन्न् थाप्लोमा लट्ठी आउँछ
अपराधी बनेर माफी पाइरहने कहिले होउँला !

सदैव अतिथि होऊँ, हाँसू, बोलूँ वा रोऊँ
समाचारभरि म छाइरहने कहिले होउँला !

ओखलढुङ्गा