नेपाली हास्यव्यङ्ग्य अनलाइन पत्रिका

भ्रष्टाचारी
भ्रष्टाचार गर्नको लागि
आँखा मिच्दै अबेर उठ्छ
भ्रटाचारी भोजन हसुरेर
भ्रष्टाचारकै पोसाकमा सजिंदै
पवित्र माटोलाई
आफ्ना भ्रष्टाचारी पाइलाले बिटुलो बनाउँदै
भ्रटाचारी कुर्सीमा गएर बस्छ ।
दिनभरि
उसले जे हेर्छ– भ्रष्टाचार गर्नका लागि दाउ हेर्छ
जे सुन्छ– भ्रष्टाचार गर्ने बढाबढको भाउ सुन्छ
जे बोल्छ– पानीमाथिको ओबानो हुने प्रयासमा बोल्छ
एवं प्रकारले
दिनभरि गोजी भरेर
हिसाबकिताबको बिल मिलाएर
बेलुका सन्तुष्ट भई घर फर्कन्छ
भ्रष्टाचारको परिकारले अघाएर
आफूले गरेको भ्रष्टाचारको दैनिकी लेख्छ
अनि
भ्रष्टाचारी ओछयानमा सुतेर
सपनामा पनि भ्रष्टाचार गरेकै देख्छ ।

ओखलढुङ्गा