नेपाली हास्यव्यङ्ग्य अनलाइन पत्रिका

नर माने भाले मनुस्य
नाथ माने मालिक
नरनाथ माने–
भाले मानिसका मालिक
भाले मानिसका मालिक त–
पोथी मानिस पो हुन्छ
यो नरनाथ यदि भाले हो भने
भाले मानिसको मालिक भाले नै कसरि कहाँ हुन्छ ?
नरनाथ पोथी मानिस हुनु पर्ने हो
तर ऊ आफूलाई भाले मानिस कसरी किन भन्छ ?

कसैलाइ नटेरी आफ्नो बाटो लुइँ लुइँ हिड्ने नै लुइँटेल हो
त्यत्रो बडेमानको भुँडी बोकेर नरनाथ लुइँटेल
लुइँ लुइँ केको हिंड्न सक्नु ?
ऊ त भुँडी बोकेर लस्याक लस्याक लस्कनेसम्म हो
त्यसैले
नरनाथ न नरको नाथ हो
न लुइँटेल हो
ऊ त मात्रै नारिनाथ लस्याक लस्याक हो
नरनाथ लुइँटेल वास्तवमा
नारीनाथ लस्याक हो ।

बत्तिसपुतली, काठमाडौं