दुर्गाप्रसाद ग्वालटारेरद्दी
तुहिएको भैंसी पाल्दै घिउ खोज्ने गोठै रद्दी
कुहिएको आलु छान्दै बखान गर्ने ओठै रद्दी ।
कुच्चिएको गाग्रीलाई माया गर्ने घन नै रद्दी
फटाहा र ‘चालु’लाई नेता रोज्ने जन नै रद्दी ।
चोटले पनि चेत नखुल्ने तपाईं अनि म नै रद्दी
खोटमै पनि चित्त बुझ्ने ‘बिद्वान’ जति झनै रद्दी ।
सुचिपछि दैलो देख्ने हाम्रो लठ्ठुपनै रद्दी
बुद्धिमानी अन्तै जाउन, मिलि बसौँ रद्दी–रद्दी ।
२०७१ भाद्र
काठमाडौ
Subscribe
Login
0 Comments
Oldest
