नेपाली हास्यव्यङ्ग्य अनलाइन पत्रिका

माननीय पनि बने
मन्त्री पनि भए
सभासद पनि भए
प्रधानमन्त्री नि बने
खालि देश मात्रै बनेन ।
शानदार नाम पनि राखियो
विधान र कार्यदिशा पनि पारित भयो
अधिवेशन–महाधिवेशन पनि सम्पन्न भयो
पार्टी नि एकढिक्का र सुदृढ भयो
खालि देश मात्रै कमजोर र विभाजित भयो ।
आयोग पनि बन्यो
कार्यदल पनि बन्यो
प्रतिवेदन पनि आयो
प्रशंसा पनि पायो
खालि कार्यान्वयन मात्रै भएन ।

सम्झौता पनि भयो
प्रतिबद्धता पनि आयो
घोषणा पनि गरियो
सञ्चार माध्यममा पनि छरियो
खालि सम्झना मात्रै गरिएन ।

बैठक पनि बस्यो
निार्र्णय पनि भयो
योजना पनि बनाइयो
जिम्मेवारी पनि तोकियो
खालि कर्तव्य मात्रै पालना गरिएन ।

पासपोर्ट पनि बन्यो
भिसा पनि लाग्यो
पैसा पनि कमायो
धनी पनि भयो
खालि देश मात्रै गरिब भयो ।

पास पनि भयो
बढुवा पनि पायो
कमिसन पनि खायो
हर्षोल्लास पनि मनायो
खालि देशमात्रै निराश रह्यो ।