नेपाली हास्यव्यङ्ग्य अनलाइन पत्रिका

उनीसँग भेट भयो हिजो बजारमा
मैले भनेँ,
ए, तिमी पनि बजारमा ! म पनि बजारमा !!

उनी गचक्क फुलिन्, सायद भाउ खोजिन्,
म पनि तनक्क तन्किएँ र भनेँ
भाउ बढेर केही छोइसक्नु छैन बजारमा
तिमी पनि यो बजारमा ! म पनि यही बजारमा !!

उनले सतही ठुस्कान दिइन्
मैले पनि बाङ्गो मुस्कान दिएँ र भनेँ,
हरेक कुरा आजकाल नक्कली छ बजारमा
तिमी पनि यो बजारमा ! म पनि यही बजारमा !!

ग्राहक र ब्यापारी दुबैलाई पर्खाइ छ सामीप्यको
तैपनि काला गए गोरा आउँछन्– ध्वाँस दुबैको
मैले भनेँ
हिँड सँगै मिलेर बजार गरौँ बजारमा
तिमी पनि यो बजारमा म पनि यही बजारमा !!

बत्तिसपुतली, काठमाडौं