नेपाली हास्यव्यङ्ग्य अनलाइन पत्रिका

–ल, आफ्नो परिचय दिनुस् ।
–म गजलकार ! गाजलीको गतिलो सन्तान !
–के गर्नुहुन्छ ?
–गजल लेख्छु ।
–अरू ?
–गजल गाउँछु ।
–अरू ?
–गजलको सिर्जना गर्छु ।
–अरू ?
–गजलमा काफिया र रदिफ मिलाउने कोसिस गर्छु ।
–अरू ?
–बहर मिलाउने प्रयत्न गर्छु ।
–अरू भन्नुस् न ! गजल बाहेक अरू केही छैन ?
–छ नि ! कहिलेकाहीँ गजलको समीक्षा गर्छु ।
– अरू ?
– कहिलेकाहीँ अरु गजलकारको बदख्वाइँ गर्छु ।
– अरु ?
– कहिलेकाहीँ अरु गजलकारको वाह ! वाह ! ! पनि गर्छु ।
– अरु ? दैनिक के गर्नुहुन्छ । त्यो भन्नुस् न !
– आत्मप्रशंसा ।
– अरु ?
– जसले मलाई गजलकार भन्दैन त्योसँग म बोल्दै बोल्दिन ।
– ल त गजलकारज्यू, अरु के काम गर्नुहुन्छ ?
– गजल सुनाउँछु । एक सेर/मतला सुनाऊँ ?
– ल धन्यवाद ! मेरो मक्ता सुन्नुस्–
तपाईंको समय सकियो, जानुस् ।
बाहिर लाममा को हुनुहुन्छ आउनुस् ।