नेपाली हास्यव्यङ्ग्य अनलाइन पत्रिका

सानो जागिर भए पनि
बाले पैसो कमाएकै थिए
त्यै पैसोमा बाआमासँग
म पनि रमाएकै थिए
आमालाई खै के भो कुन्नी
बिस्तारै धेरै शौख पाल्नु भो
कहिले नेटवर्किड
कहिले ढुकुटी भन्दै
अनेक थोक थाल्नु भो ।

एक दिन
बालाई थाहै नदिई सुटुक्क
एउटा कदम चाल्नु भो
सम्पूर्ण गरगहना बेची
ढुकटीमा पैसो हाल्नु भो ।

त्यसपछि त
ढुकुटीको भोज भतेर भन्दै
साडी कुर्ता फालेर
प्यान्ट टिसर्ट लाउन थाल्नु भो
बा रिसाउँदा झन
धन कमाउन जान्नुपर्छ भन्दै
बाकै अगाडि
नोटका बिटाहरू फाल्नु भो ।

बिस्तारै बिस्तारै
रक्सी पनि मुखमा हाल्नु भो
कहिले मातले मात्तिँदै
घरमा ढिला आउन थाल्नु भो
बालाई नै नसोधी,
अनेक कदम चाल्नु भो
ऊँको नाममा टोम नजान्नले पनि
टुट्याफुट्या अङ्ग्रेजी बोल्न थाल्नु भयो
बाले जति सम्झाए पनि
अनेक कुराले टाल्नु भयो ।

पछि त दिनहुँ जस्तो
मध्यरातमा घर पाल्नु भयो
कहिले कस्लाई लिएर
कहिले कस्लाई लिएर
घरमै पराई मान्छे हाल्नु भो
रमाइलो त्यो घरमा
ठुलै आगो बाल्नु भयो ।

बाले दिक्क भएर
एक दिन
डिभोर्सको कदम चाल्नु भो
त्यसपछि त आमा
ढुकुटीको धाक देखाउँदै
नयाँ घर किनेर
उतै बस्न थाल्नु भो ।

आज भोलि सुन्छु
ढुकुटी डामाडोल भएपछि
घरै बेचेर पनि तिर्न नपुग्दा
भूमिगत जीवन थाल्नु भो
मान्छेहरू सोधिरहन्छन् मलाई
तिम्रो बाले किन
डिभोर्सको कदम चाल्नु भो
तर कति भन्ने मान्छेहरूलाई
आमाले नै आप्mनो परिवार माथि
यो बज्र फाल्नु भो ।

दाङ, हाल– काठमाडौं