नेपाली हास्यव्यङ्ग्य अनलाइन पत्रिका

बाबुआमालाई सडकमा फाल्छु
तर घरमा गजबको कुकुर पाल्छु
टमीऽ माइकल र बारबरा भन्दै
अरुलाई आधुनिकताको राग सुनाउँछु
गजबको छु म मान्छे
मान्छेलाई तँ तँ गर्छु
कुकुरसँग आइसियोस् गइसियोस् लाउँछु
मेरो टमी मासुविना खाइसिन्न
मविना बारबरा सुतिसिन्न
भन्ने नभन्ने सबै भन्छु
अङ्ग्रेजीमा ज्यादा कन्छु
सभ्यताको आडम्बरी म
आफ्नो लागि सौचालय बनाउँछु
कुकुरलाई अरुको घरछेउमा हगाउँछु
अजबका छन् मान्छे, त्यही मान्छे म
आफन्ती बोलाउँछु र कुकुर भुकाउँछु
गेटैदेखि कुकुरको प्रशंसा सुनाउँछु
नौटङ्की राग अलाप्दै
चुपलागि बक्स्योस् बारबरा
थुतुनोमा किस जमाउँछु
भन्न भ्याउँछु भुकिनेसँग
राती पनि बारबरा कराउँछे
कहिलेकाहीँ सपनामा हराउँछे
कहिले त अँगालै हालेर सुत्छु
बिसिर्एर कहिलेकाहीँ आफैं भुक्छु ।

धादिङ